بين المجاملة والصراحة.ّ..ّ

السلام عليكم ورحمة الله وبركاته

مرحبا ..

رديت لكم بموضوع ..

اتساءلت بيني وبين نفسي ..

ساعات نتصادف بناس من تصارحهم يتضايقون ..

وان جاملتهم قالوا : " انتي تجاملين " ..

احترت منهم ..

وكيف ممكن اتفاهم وياهم .. ؟؟؟

قلت امسك العصا من النص ..

وفهالحالة ضعت ...

لاني هب مقتنعه من تصرفي ..

كوني احب اصارح ولا ألعب بعقول الناس ..

وما أداني يتم شي فخاطري ..

ما اقصد ان ما اداني شي يتم فخاطري .. يعني :

أجرح ..

أو ..

انتقد ..

اقصد اني احب اصارح واقول اللي فخاطري ولكن اذا حسيت ان

الصراحة تجرح ..

أحاول ألطف الشي ..

واوصل المعلومه بطريقه ما تهين او تؤلم الطرف الثاني ..

مثال :

* اذا سرت السوق واللي ويايه طلبت مني اشتري شي .. وحست ان هذا الشي غاوي .. اقول لها : " هذا اللون ما يناسبني .. أو هذا الستايل هب ستايلي " .

المهم ساعات تلقى نفسك تورطت ..

لا تقدر تصارح ولا عندك منفذ ..

هني طحت فورطه .. !!!!!

عليك تدبر نفسك ..

لازم تتنازل عن امور ..

ولكن ..

هالتنازل لا يكون على حساب نفسك وشخصك ونفسيتك وتفكيرك ..

فالأخير :

أكيد الردود اللي بتورد فهالموضوع أغلبهم بيقولون نحن ما نجامل ..

والغريبة اللي نلقاه فالواقع أن اغلبية الناس تحب :

" المجاملة " ..

* وانته يا أيها العضو او المشرف أو الاداري شو تعد نفسك ؟؟؟؟

والسموحة منكم..

عن نفسي انا أعطي كاااااااااااااش ,,,

دفشـــــــــه شووي بس هم يطلبون الصرااحه ,,, يعني بقوول مثلا هو حلو بس لو يكون جي بيصير أحلى عليج وينااسبج اكثر ,,,,

ما احب اني اجاامل لأني اعتــبر انها جذبه واغش الطرف الثاني اذا حلوو بقول حلوو واذا ما يستاااااااااهل تراني بقوول ما يستااااااااااااااهل ,,,,,,,,,,,

ويعطيــــــــــج ألف عاافيــه على الموووضووع الغااوي حياتووووو ^^

تسلمين يالدفشه خخخخ<<اسولف ..
والله يعطيج العافيه ...

لااااا انا ما احب اكسر بخاطر احد ( طيوبه فديتني )

حتى لو اقرب الناس لي....

وفي نفس الوقت ما احب اجامل وااااااااااااااايد

بس
واااايد ناس قالوا لي ان اللي في قلبي يبين .........
يعني اذا مو عاجبني شي يبين من ملامح ويهي انه مو عاجبني...... وما اقدر اخفي هالشي......حاولت واااااااااااااااااايد وما قدرت ؟؟؟؟؟؟؟

امممم

انا الصراحه يمكن ماعبعطي بالويه بس بعطيها اختيار ثاني

مثلا

اذا ماعجبني هالشي بقوله حلو بس لو تختار ها احلى اكيد هو بيفهمها وهي وطايره
والسموحه

غرااام كتب:: لااااا انا ما احب اكسر بخاطر احد ( طيوبه فديتني )

حتى لو اقرب الناس لي....

وفي نفس الوقت ما احب اجامل وااااااااااااااايد

بس
واااايد ناس قالوا لي ان اللي في قلبي يبين .........
يعني اذا مو عاجبني شي يبين من ملامح ويهي انه مو عاجبني...... وما اقدر اخفي هالشي......حاولت واااااااااااااااااايد وما قدرت ؟؟؟؟؟؟؟

تسلمين اختي على المرور الحلو

مزعلني كتب:: امممم

انا الصراحه يمكن ماعبعطي بالويه بس بعطيها اختيار ثاني

مثلا

اذا ماعجبني هالشي بقوله حلو بس لو تختار ها احلى اكيد هو بيفهمها وهي وطايره
والسموحه

تسلمين اختي على ردج الصريح وعلى مرورج الحلو ^_^

الله يعين نحن بعض الأحيان ما نعرف لا نجامل ولا نصارح ..

اسمحو لي بس جمعتكم معاي ...

أنا شي يزعلني يوم واحد ما يعرف يصارح المصارحة حلوه بس تكون بحدود وبموازنة ...

بس بعضهم يتعدون المصارحة وتستوي وقاحة مب مصارحة ...

الله مستعان ...

أما المجاملة صورة تخفيف على الأشخاص مثلا ( أبوك أو معلمك أو شيخ مسيد سوى شي غلط ... مب من حقك أنك تصارحة ، بحكمة أنك اصغر عنه وأنك مفروض تحترم إلي جدامك وتكون شخص عاقل فشو تسوي تجامله في أمور وقعت حقًا بأن تخبر ( أبوك ) بأنه أحسن تربيتك .. و .. و .. وبعدين تخبره انه في نقطة بغيت تصححها .

أما المجاملة التي تدخل في مجال الكذب ...

الله مستعان ..

فأنا أحب أكون مجامل في بعض الأحيان بحدود معينه وفيها شي من الحكمة و المصارحة حلوه بس تكون بحدود وبموازنة ما تتعده الوقاحة ...

واسمحولي على التقصير و طولنا عليكم ...

تسلم اخوي عابر الزمان على هالرد الحلو
والله يعطيك العافيه