انا ماني مثل غيري

أنا ماني مثل غيري مع اللي يحبنـي .. بالـذات

أصير اقرب لها منهـا .. وأردّ الدّيـن لأصحابـه

أدلّلهـا وأدلّعهـا .. وأعلّيـهـا عـلـى النجـمـات

وأخلّي القلب لو أخطت يبـوح بقاسـي عتابـه

أنا ماني مثل غيـري .. غيـري يعشـق العثـرات

منى روحه وكل همّه .. يناظـر غلطـة أحبابـه

أنا ماني مثل غيري .. غيري يكثّـر الخطـوات

وكـل بنـت ٍ تهيّـالـه بــلا تفكـيـر .. حيّـابـه

أنا ماني مثل غيـري .. غيـري وافـر الكذبـات

وبنت الناس مسكينة .. تقول : النـاس كذابـه

أنا ماني مثل غيري .. غيري لـو بكـى شحّـات

يحاول يكسر الخاطر .. يقول : الـروح منصابـه

أنا مانـي مثـل غيـري .. غيـري مسألـة أوقـات

ياخـذ مايبـي ويـقـول : بنت الناس نصّـابـه

أنا ماني مثل غيري .. غيري بالهـوى مـا مـات

يشوف انّ الهوى لعبة .. ويمكن أحسـن ألعابـه

أنا ماني مثل غيري يقـول : انّ البنـات خبـلات

يقول : البنت مهما تكـون تراهـا بنـت لعّابـه

أنا مانـي مثـل غيـري هويتـك يالغـلا بسكـات

ومحدٍ يـدري بحبـي .. ومحـدٍ يعـرف اسبابـه

أنا عارف طموح البنت تبـي منهـو يلـمّ شتـات

تبـي منهـو يخلّيهـا .. تكـون لعيـنـه اهـدابـه

وإنتي لو دريتي بي وفهمتـي صـادق الكلمـات

يميـن الله تحبّينـي .. وانتـي مانـتـي مرتـابـه




منقووله