قصيده رائعه
للشاعر الرائع عبدالله علوش
( كثر المواصل في الهوى ماهو بزين )
كثـر المواصـل فالهـوى ماهـو بزيـن
ودك بـخـلـك بــيــن مــــده ومــــده
لـن البنـادم ماتـرك طبـعـه الشـيـن
لاحـب لـه شـي وشبـع منـه هـده
لكن لمنه جاك من حين لـي حيـن
قــــدّرت جـيـاتــه وقــــدّرت صــــده
فأن قلت ابيك وقال ماهوب ذالحين
لاتبلـشـه يـمـكـن ظـروفــه تـحــده
اصبـر عليـه ايـام وشهـور وسنـيـن
ان كـانــه يــــودك وكــانــك تــــوده
وخلك لمنـه اعطـاك ماتطلبـه ديـن
مـاجــاك مـنــه اخـــذه ومـــارد رده
ولاتـسـوي مـثـل نــاس مساكـيـن
اصـلـك وفصـلـك فـالـهـوى لاتـعــده
الـحـب مـايـعـرف قبـيـلـه ولا ديـــن
نـكـس حكـومـات وكـســر اشـــده
جـــاووه عـقــال وراحـــوا مجـانـيـن
وكـم واحــد خـاضـه ولاهــوب قــده
يقـولـه الـلـي جـاحـد عـلـتـه لـيــن
بـــارت محـافـيـره وبــيــح بــســده
هذا كلامي وانـت بتشـوف بعديـن
والله ان تمـيـز بـيـن مـزحـه وجـــده
******************
:
:
تحيتي للجميع
ذيب الحب